NASKAH KETOPRAK 'ADEGING SINGHASARI'

Adegan 1

Latar              : Kerajaan Kediri

Suasana          : Sedih Kenceng

Tokoh             : PR. Dandang Gendis, Patih, Mahesa Geni, Gading Kuning, Mahesa Walungan, Sangkarana, Para nujum

PRABU DANDANG GENDIS RESAH MEMIKIRKAN MAKNA MIMPINYA

Pt. Mahesa Wungkul	:	Gusti prabu katingal legeg pinten-pinten dinten boten ngawontenaken pasewakan agung lan boten kersa paring dhawuh punapa darunanipun menawi saged kapireng ing akathah ugi kawedara punapa ingkang damel judeging panggalih.
Mahesa Geni	:	Gusti prabu, menapa kula nandang lepat menawi pancena makaten kula sagah nampi pidana menapa ingkang badhe kapatrapaken dumateng kawula
Gaading Kuning	:	Senadyan kula ugi sagah kadhawuhan menapa kemawon sauger saged damel lejaring penggalih Gusti Prabu Dandang Gendis.
Mahesa Walungan	:	Paman Prabu, menapa wonten nayaka praja utawi negari jajahan ingkang balela arsa jongkeng kawibawan Kediri
P. Dandang Gendis	:	Dudu....... kabeh aturmu kleru
Pt. Mahesa Wungkul	:	Lajeng menapa ingkang damel jibeging manah
p. Dandang Gendis	:	Wis pitung ari anggonku nggagas pangimpen kang saben ingsun mapan sare pangimpen iku mau tansah teka ora beda. Dene pangimpen iku mau tansah nggubel pamikirku nganti ora bisa wening wetune pamikir.
Sangkarana	:	Pangimpen kados pundi ingkang saged damel bingunging panggalih paduka Gusti Prabu, mugi kababara mbok menawi wonten salah satunggaling nayaka ingkang saged merdiaken pangimpen paduka?
p. Dandang Gendis	:	Ing kanane ingsun nyumurupi lamun bumi Kediri nela lan bengkah, ora ana tetesing banyu kang tumiba, para nayaka padha nandhang cincraka nemahi tiwas.... kira-kira lelakon apa kang bakal nempuh praja Kediri.
Pt. Mahesa Wungkul	:	Gusti prabu, jero sanget pralambang kang tuwuh ing pangimpen, kula ingkang caket ing cubluk tebih ing lantip boten saged babar wredinipun. Mugi linuberna pangaksami.
Gading Kuning	:	Gusti Prabu kathah para nujum pinangka paranparaning praja mbok menawi menika ingkang saged babar werdining pangimpen.
P. Dandang Gending	:	Sangkarana klumpukna para nujum dina iki uga supaya ngadep ing ngarsaningsun

Sangkarana outstage.... instage sudah bersama nujum

p. dandang Gendis	:	Nujum (sambil menunjuk salah satu nujum).... Kepara maju sowanmu.
Nujum 1	:	i......ing..... inggih..... inggih Gusti (ketakutan)
p. Dandang Gendis	:	Kowe wong waskita, kebak ing wawasan kena ingaran janma pinilih. Anane kowe kabeh dak utus ngadhep supaya mbabarake isining pangimpenku
Nujum 1	:	Gusti prabu nyupena menapa?
p. Dandang Gendis	:	Wis pitung dina ingsun ngimpi yen ta bumi kediri  nela nganti bengkah ora ana banyu kang tumetes tiba ing kediri, banjur apa werdining pangimpenku kuwi?
Nujum 1	:	Menawi miturut panrawang kula menika pinangka pratanda menawi kediri badhe nampi pacoban
p. Dandang Gendis	:	Pacoban... ora usah dadak nganggo sanepa... wantahe kepiye?
Nujum 1	:	Nyuwun pangapunten gusti, kula boten saget awit menika ateges ndisiki karsanipun
p. Dandang Gendis	:	Ing kene ora ana dewa. Kang ana amung aku p. Dandang Gendis... mula age matura
Nujum 1	:	Kula ajrih ing sesiku
p. Dandang Gendis	:	Piye....?
Nujum 1	:	Kula ajrih ing sesiku
p. Dandang Gendis	:	(berjalan mendekati nujum sambil menghus keri dan membunuh nujum tsb...berjalan mendekati nujum yang lain)  heh pandeta kowe ngerti pacoban kang di karepake pendeta kang wis  sekarat iki
Nujum 2	:	Gusti prabu,menawi miturut pamanggih kula  bumi kediri  badhe lebur katrajang mengsah
p. Dandang Gendis	:	Ing tanah jawa kediri kang paling gedhe ora ana praja liyane kang duwe kuwanen nggempur kediri ... raja ngendi kang bakal wani?
Nujum 2	:	Tumapel gusti
Sadaya naya kediri	:	Wahahahahhahah........
p. Dandang Gendis	:	Kowe goblog.... kowe bento.... kowe dungu....ora bakal tumapel wani ngidak bumi kediri
Nujum 2	:	Nanging gusti, sedaya sampun dados pepesthene hiyang widhi
p. Dandang Gendis	:	Piye?!... hwang widhi ... ngertia ya ingsun iki hwang widhi
Nujum 2	:	Gusti kula aturi emut hwang widhi menika boten mapan ing jagad lan boten saged kadulu ning saged karaosaken kawibawanipun ...ngemutanan menawi padhuka menika titah sawantah sami kaliyan kula
p. Dandang Gendis	:	Dadi kowe ora ngakoni yen aku hwang widhi? (sambil membunuh nujum itu ).... gari kowe nujum kang ngadhep .... apa panemumu?
Nujum 3	:	Gusti , menawi ta praja kediri badhe kecalan keblat  awit kediri badhe kecalan paran para koncatan tiyang suci satemah ingkang wonten amung hawa benther kang ngobar jroning praja ... nanging sedaya wau saget kasuwak menawi ta paduka kersa meminta pangaksamaning gusti
p. Dandang Gendis	:	Piye? Aku kudu njaluk ngapura hwang widhi?.... apa benenr kandane nujum iki (bertanya pada nujum yang satunya)
Nujum 4	:	Boten gusti sadaya para brahmana lan nujum lan para paran paraning praja taksih setya ngabekti ing ngarsanipun gusti prabu
p. Dandang Gendis	:	Dadi kabeh isih setya karo aku? .... (berbicara pada nujum 3 dan membunuhnya) kowe wani matur dora karo aku?
	:	DATANGNYA GELANG PATI MELAPOR
Gelang pati	:	Kula ingkang sowan gusti... ngaturaken kawuningan salebeting kula jagi tapel wates praja kula nyumerapi menawi sedaya para nujum sami ngungsi tumuju ing tumapel
p. Dandang Gendis	:	Iblis laknat ... heh nujum kowe mau kanda yenta para brahmana isih setya jebul kowe amung kepingin endha saka pepati (dibuhlah nujum 4)..... mahesa walungan kanthinen para prajurit supaya mbujung playune para nujum, yen gelem ajaka bali ing raja kediri yen ta ora gelem patenana kabeh
mahesa walungan	:	Inggih sendoka dawuh paman prabu kepareng nyuwun pamit
	:

Adegan 2

Latar              : tapel batas kerajaan kediri

Suasana          : tegang

Tokoh             : Mahesa Walungan (sagotrah), Brahmana Manaka ,Brahmana Pancali, Nujum Muda Kalpika

Brahmana Maenaka	:	Prayogane leren disik wus adoh..... nggone metu saka praja kediri
Pancali- Kalpika	:	Ya kakang prayogane pancen leren luwih disik
Brahmana Maenaka	:	Wes gamblang tekadku kudu tumuju tumapel paminta pangayoman sang akuwu ken arok, dak jaluk siadi padha memujia supaya bisa antuk pangayomaning tumapel
Pancali	:	Ya kakang .... aku go wis ora betah mapan ana kediri  kang amung katindhes marang sahyae prabu dandang gendhis
Kalpika	:	Panguwasane prabu dandang gendhis amung kanggo sawenang-wenang , bebasan kaya betet sewu anggonku atur emut nanging siji wae ora ana sing dipaelu , malah aku kadakwa wani mulang muruk nalendra, tinimbang aku nampa pidana mula luwih becik aku oncot saka kediri golek pangayoman ing tumapel
Pancali	:	Ora mung sawenang-wenang malah aku nate katimbalan kang supaya ngakoni menawa gusti prabu iku hwang widhi
	:	DATANGNYA MAHESA SAGOTRAH
Mahesa Walungan	:	Mandeg..... heh para brahmana brongkat kimpul arep menyang endi?
Samkarana	:	Ditakoni gusti Mahesa Walungan ora padha wangsulan malah pating pentheleng anggepmu apa?
Begawan Maenaka	:	Inggih gusti, kula sedaya badhe tumuju tumapel
Mahesa Walungan	:	Duwe karep apa tumuju tumapel?
Begawan Maenaka	:	Kula sagotrah badhe ngayom ing ngarsanipun akuwu Ken Arok
Mahesa Walungan	:	Apa praja kediri ora paring pangayoman , malah kowe kabeh wus diyasakake sanggar pangujan
Pancali	:	Kediri  sampun boten wonten pangayoman, ingkang damel ayemiing raos lan sampun  boten wonten papan ingkang saged kangge memuja ...ingkang wonten namung papaning angkara murka
Gelang Pati	:	Aja waton langap-langap sowek cangkemmu..... pendeta ora ngerti susila!!
Mahesa Walungan	:	Heh.. para brahmana yen kena dak eman ayo bali bebarengan lan aku ing praja kediri, mengko aku bakal njalukake pangapura ing ngarsane gusti prabu
Kalpika	:	Luwih becik aku tumekeng pati tinimbang bali ing kediri ... bali kediri padha karo urip ana jroning naraka jahanam.
Gelang Pati	:	Prajurit... ranggaten para brahmana!!!!
	:	TERJADI PERANG ANTARA PRAJURIT KEDIRI DAN PARA BRAHMANA, PARA BRAHMANA DAPAT MELARIKAN DIRI

Adegan 3

Latar              : Taman Kaputren Tumapel

Suasana          : Sengsem, tegang, romantis

Tokoh             : Ken Umang, Tohjaya, Ken Arok

Ken Umang berjalan menikmati keindahan taman sambil bernyanyi datanglah Tohjaya

Tohjaya	:	Kanjeng Ibu....
Ken Umang	:	Ngger Tohjaya sowan ing Taman kanthi suntrut ing pepolatan ana apa Ngger..?
Tohjaya	:	Ibu kula aturi tumenga ing akasa kathah lintang ingkang sumorot panjeripun nanging sedaya wau sirna kasirep soroting rembulan... Andadosaken luntur endahipun sunaring lintang... menika sami kalih raosipun Tohjaya
Ken Umang	:	Tohjaya pun Ibu ora ngerti apa kang kok aturake
Tohjaya	:	Kula badhe pitaken menapa kula satunggaling pangeran?... Menapa kula saged dados narendra
Ken Umang	:	Apa karepe pitakonmu kuwi Ngger
Tohjaya	:	Leres kula niki pangeran nanging amung pangaran-aran, kula ngertos menawi ta kula boten badhe saged dados narendra
Ken Umang	:	Saya nglantur aturmu kaya dene wong kang ngimpi
tohjaya		Kula boten ngimpi bu nanging kasunyatan.... kula pangeran nanging kang mijil saking garwa selir, benten lan kakang Anusapati kang mijil saking garwa padmi nggih menika ibu Kendedes dados, kula boten badhe dados narendra awit kakang anusapati temtu nggadhahi turun ingkang badhe nglintir kawibawan ramanipun.
Ken Umang	:	(Nangis....) ngger Tohjaya Ibu ora bisa paring waluyan, Ibu ora bisa mujudake pepinginanmu awit ibu ora duwe panguwasa. Kabeh dadi wewenanging sang Akuwu Ken Arok...trimak-trimakna kodratmu dadi putrane garwa selir
Tohjaya	:	Boten ibu kula boten saged nampi kodrat menika... sepisan malih kula taken menapa kula saged dados narendra???

Datanglah Ken Arok

Ken Arok	:	Bisa Ngger... sira bisa dadi narendra
Tohjaya	:	Rama......
Ken Umang	:	Kangmas sakrawuhipun bekti kawula katur
Ken Arok	:	Iya yayi wis taktampa, ora prelu si adi nggetuni kodrat ngertiya yenta kodrat iku bisa diwiradati, sanadyan Tohjaya amung putra saka garwa selir nanging, mbesuke Tohjaya bakal nglintir kawibawan ing tumapel.
Ken Umang	:	Kangmas
Tohjaya	:	Rama, menapa saestu? Dhawuh pangandika paduka
Ken Arok	:	Hahahahahaha....... tohjaya ora ana wong idu banjur didilat maneh pun rama bakal mujudi unen-unen anak polah bapa kepradah
tohjaya	:	Inggih rama, ngaturaken gunging panuwun... kepareng kula nyuwun pamit. (Tohjaya outstage)
Ken Arok	:	Yayi Ken Umang tekaku ing Taman awit kangen lan siadi, saka akehing pakaryan nganti krasa lungkrah badanku tur maneh wus sawetara suwe pun kakang ora mambu tanganmu
Ken Umang	:	Ahhhh kangmas menika lho kok kados lare nem kemawon, ngantos lingsem raos kula... mangga kangmas kula aturi pinarak.
Ken Arok	:	Ya yayi (Ken Umang memijit Ken Arok sambil nembang)

ADEGAN 4 DUSUN

SESUKAN SAWETAWIS

DATANGNYA KEN RATRI SUDAH MEMBAWA UBA RAMPE SESAJI UNTUK KE PURA

Nama Tokoh	:	Naskah
Jo Lempong	:	Arep menyang ngendi ta, Ratri? Kok sajak kesusu
Ken Ratri	:	Paman ki piye ta? Wes cetha aku nggawa sesaji ngene iki ya mesthine arep ning pura ta
Jo Lempang	:	Owalah ta Pong Pong. Mula kuwi yen takon ya nyawang ndhisik ora gur mak cul....! ben dikira grapyak pa?
Jo Lempong	:	Sing mak cul ya lambemu kuwi, isih lumayan aku grapyak semanak timbang kowe mung oleh grayak.
Jo Lempang	:	Aku grayak kowe ya melu ngrasakke wee...
Jo Lempong	:	Ngrasakke piye ta?
Jo Lempang	:	Lha turahane gawanku ya sok kok jaluk
Jo Lempong	:	Woooo...dhasar lambe lower
Ken Ratri	:	Wes Paman aja padha tutuk tinutuk. Ayo kancanana aku tumuju pura selak bengi. Mengko yen kewengen ndak dadi pengarep-arepe simbok.
Jo lempang Lempong	:	Wayo aku ya sisan gawe arep unjuk donga.

ADEGAN 5 CANDI KUWU

TOKOH : Jo Lempang, Jo Lempong, Ken Ratri, Anusapati, Pawongan

SUASANA : AGUNG, SENGSEM, KENCENG

KEN RATRI BERSAMA ABDI SEDANG BERDOA DI PURA, DATANGNYA ANUSAPATI

Anusapati		Ratri......
Ken Ratri		Oh..Kanjeng Pangeran....kok nembe rawuh ta?
Anusapati		Ya Ratri, aku njaluk ngapura awit aku kudu ngrampungake dhawuhe Kanjeng Ibu luwih dhisik.
Ken Ratri		Inggih Pangeran, sampun sakmesthinipun bab menika kedah ngrumiyinaken dhawuhipun ibu, napa malih kanjeng Pangeran menika anggadhai tanggel jawab ingkang ageng.
Anusapati		Ken Ratri, bener kandhamu....Ratri?
Ken Ratri		Dhawuh Pangeran
Anusapati		Pangeran......aku ora seneng yen nyebut aku pangeran, ben saya raket becike anggonmu nyebut aku Anusapati ngono wae. Nadyan aku pangeran, iku amung sawijining drajad ning kabeh mau iku amung pangarang-arang wae.
Ken Ratri		Inggih kula nyebatipun kangmas mawon nggih..
Anusapati		Ya Ratri bareng sliramu nyebut aku kangmas ana rasa adhem jro atiku awit satemene ya mung sliramu kang dadi tresnaku.... mula Ratri isenana atiku kang suwung iki.
Ken Ratri		Kangmas  mboten kok kula ateges mboten ngimbangi tresna paduka, menapa sedaya wau sampun dipun galih lan dipun petang paduka sawijining pangeran kula amung tiyang dhusun, menapa sedaya wau badhe ngasoraken drajad paduka.
Anusapati		Ratri tresna iku ora bisa lumantesan drajad pangkat, awit tresna iku rasa kang suci kang mrenthul saka jroning ati kang suci uga. Mangertia menawa tresna iku kanugrahan Gusti kang linunturake marang titahe kanthi dhasar rasa sengsem, dudu adhedhasar bandha donya apadene drajad pangkat.
Ken Ratri		Inggih Kangmas, saksampunipun kula mireng isen-isening ati Paduka raos tresna kula dumateng Paduka tansaya tandhes mandhes, raket keket mboten saged pinisahaken....... KEKALIH PREMESAN DATENGIPUN PAWONGAN NGAGEM BUSANA SARWA CEMENG BADHE MEJAHI ANUSAPATI, LAJENG TETENGIPUN SEMPANA ATUR PAMBIYANTU PANGERAN ANUSAPATI
Anusapati		Sempana.....! lelakon apa maneh iki? Apa bener aku dudu pangeran? Yenta aku pangeran geneya ora ana prajurit kang tansah njaga sakpundhakku
Sempana		Nyuwun agunging pangaksami, kula ugi mboten mangertos kenging menapa mboten wonten prajurit ingkang ndherek jengkar Paduka
Anusapati		Banjur aku kudu matur karo sapa bab lelakon iki...lan sapa ta pawongan kang kepingin nyidra patiku?
Sempana		Gusti, miturut pamrayogi kula paduka kula aturi sowan ing ngarsane Gusti Ayu Ken Dedes ngaturaken sedaya lelampahan menika
Anusapati		Matur ibu Ken Dedes... Sempana ora bakal bisa klakon aku ora diparengake sowan ing kaputren dening rama Ken Arok, banur kepiye anggonku ngadhep Kanjeng Ibu Ken Dedes?
Sempana		Ampun masumelang kula ingkang badhe mbudidaya murih sagedipun Paduka pinanggih kaliyan Gusti Ken Dedes
Anusapati		Ya Sempana, aku amung manut awit ya mung sira abdi kinasih kanjeng Ibu....wes Ratri aja sumelang atimu, pun kakang bakal ngadhep kanjeng Ibu ngaturake lelakon iki, sewang sewangan wae sing ngati ati salakumu.
Ken ratri		Inggih kangmas, kula tansah dedonga.

ADEGAN 6  MARGI

YOKOH : RADEN TOHJAYA, GALUH SUTA, PARA BRAHMANA

SUASANA : TEGANG,

*GALUH SUTA LARI BERTEMU DENGAN TOHJAYA

Tohjaya		Galuh Suta krenggosan napasmu katon pucet ana apa? mara age matura.....
Galuh Suta		Sekedhap raden......sekedhap, kula tak ngasokaken napas kula langkung rumiyin
Tohjaya		Ya ora papa......
Galuh Suta		Nyuwun pangapunten Raden anggen kula nindakaken dhawuh Paduka mboten saged mrantasi damel.
Tohjaya		Piye ora oleh gawe.......cethane piye !
Galuh Suta		Salebetipun kula badhe merjaya pangeran Anusapati kula katrajang ki Sempana saking pepungkuran, sampun kula kethok karosan kula iya semanten kula mboten saged nandingi dikdanipun Ki Sempana.
Tohjaya		Heh Galuh Suta bola bali kowe ora tau bisa mrantasi gawe......sing mok gedhe gedhekake amung olehmu njaluk ganjaran, nanging pakaryanmu ora tau bisa rampung....endah endah yen wong bodho wong ora becus tandang gawe pamikirmu amung ngraes bandha.
Galuh Suta		Nyuwun pangapunten Raden menawi dipunparengaken kula nyuwun wekdal malih, kangge ngambali pakaryan kula
Tohjaya		Ya.....dina iki aku isih sabar....yenta sepisan iki maneh kowe ora entuk gawe dudu Anusapati sing mati ning Galuh Suta sing tak kethok gulune DATANGNYA PARA BRAHMANA YANG DIKEJAR-KEJAR PRAJURIT KEDIRI
Tohjaya		Mengko dhisik iki para brahmana padha keplayu rontang ranting busanamu lan kaya wong kang keweden kaya dibebujung
B. Maenaka		Nggih Raden kula brahmana Maenaka saking Kediri.....
Tohjaya		Brahmana saka Kediri......apa sebabe nganti teka ing Tumapel..?
B. Maenaka		Nggih raden kula sakadang Brahmana satemenipun mlajar saking Kediri tumuju Tumapel saperlu nyuwun pangayoman
Tohjaya		Satemene ana lelakon apa ing Kediri...?
Pandita Pancali		Nggih raden kawuningana ing Kediri sampun mboten wonten papan ingkang tentrem kangge para brahmana awit saking sawenang wenangipun Prabu Dandang Gendhis anggenipun meksa para brahmana kedah ngakeni menawi Prabu Dandang Gendhis menika Hwang Widhi..... DATANGNYA PRAJURIT KEDIRI YANG MENGEJAR PARA BRAHMANA, TERJADI PEPERANGAN PERAJURIT KEDIRI DENGAN TOHJAYA, PERAJURIT KEDIRI KALAH

ADEGAN 7 TAMAN KAPUTREN TUMAPEL

TOKOH : KEN DEDES, ANUSAPATI

SUASANA : SEDIH, KENCENG

Ken Dedes		Ngger Anusapati sowan ing ngarsane ibu tepung wimbangu kanthi polatan kang suntrup, sajak ana pamiger kang nggubel rasamu
Anusapati		Kula niki putranipun sinten...??
Ken Dedes		Pitakonmu kok nyleneh....sira putraku
Anusapati		Kula sampun ngertos Ibu, nanging ingkang kula takenaken sinten sudarma kula...??
Ken Dedes		Kok saya aneh...sliramu lak wis ngerti ta yen sudarmamu kuwi Sang Akuwu Ken Arok
Anusapati		Ateges kula niki pangeran...??
Ken Dedes		Anusapati, satemene ana apa...?? aja mbebingung rasane ibu awit pitakon pitakonmu kang aeng...
Anusapati		Ibu drajad pangeran kula menika satemene amung pangaran aran. Menawi kula yekti satunggaling pangeran temtu kula menika tansah dipun kanteni prajurit kados dene Dimas Tohjaya....kula badhe matur nembe kemawon wonten pawongan ingkang nyidra mejah kula, menawi mboten wonten ki Sempana kula sampun dumugi ning pejah....kenging menapa kula dipunbentenaken kaliyan Dimas Tohjaya, menapa kula sanes putranipun Rama Ken Arok...?? (DITAMPAR KEN DEDES)
Ken Dedes (menangis)		Anusapati kowe ora pantes ngucap kaya mngkono
Anusapati		Kenging menapa kanjeng Ibu malah nangis...?? menapa wonten wewadi ingkang dipun tutup tutupi...malah menapa leres ingkang kula aturaken menawi kula sanes putrane Ken Arok....??
Ken Dedes		(HANYA DIAM, MENANGIS DAN MENJAUHI ANUSAPATI )
Anusapati		Kenging menapa ibu amung kendel.... ibu sumangga kula....
Ken Dedes		Cukup.....cukup Anusapati... aja kok bacutake pitakon pitakonmu kang aeng kuwi.
Anusapati		Mboten ibu..... saderengipun kula pikantuk pawangsulan kanjeng Ibu kula mboten badhe mandheg anggen kula taken sinten sudarma kula.
Ken Dedes		Ya Anusapati ibu bakal blaka, satemene sliramu dudu putrane Ken Arok nanging putrane Sang Akuwu Tunggul Ametung panguwasa Tumapel sadurunge Ken Arok
Anusapati		Lajeng Kanjeng Rama wonten Pundi..??
Ken Dedes		Mangertia ngger....nalika ibu ngandhut sliramu lagi umur pitung sasi Kangmas Tunggul Ametung disedani Ken Arok, lan ibu dipeksa kudu gelem dadi garwane Ken Arok, mula kowe lan aku tansah dipisahake supaya wewadi iki ora kaoyak, tancepane sliramu aja nganti ngerteni lelakon iki
Anusapati		Jebul wengis bebudene Ken Arok.....kula jejering putra kakung kedah saged ngetingalaken darma bekti dumateng sudarma ingkang sampun ngukir jiwa raga kula. Mila ibu kula nyuwun pamit badhe bela pati (ANUSAPATI AKAN PERGI TAPI DICEGAH OLEH KEN DEDES)
Ken Dedes		Aja ngger....kekarepanmu kuwi kena ing aran sulung lumebu geni awit Ken Arok dudu tandhingmu
Anusapati		Mboten ibu..... wonten unen unen utang pati kedah nyaur pati
Ken Dedes		Durung wancine Ken Arok ngundhuh wohing pakarti, leremna atimu kuwi dhisikpun ibu bakal bebantu lan budidaya murih kasembadan kekarepanmu males patine sudarman....entenana titi wancine ngger...

ADEGAN 8 KERAJAAN KEDIRI

TOKOH : PRABU DADNANG GENDHIS, NAYAKA PRAJA

SUASANA : SENENG, TEGANG

PRABU DANDANG GENDIS BERPESTA PORA MABUK MABUKAN BERSAMA PARA DAYANG, DATANGNYA MAESA WALUNGAN

Mahesa Walungan		Kula ingkang sowan Gusti Prabu
Dandang Gedhis		Heeeh...kene kene Mahesa Walungan majua, piye nggonmu dak utus ngrangket para brahmana...??
Mahesa Walungan		Nyuwun pangapunten Gusti Prabu anggen kula mbujung para brahmana cabar ing lampah, awit para brahmana dipun ayomi Raden Tohjaya putra Sang Akuwu Ken Arok
Dandang Gendhis		(MARAH)....iblis laknat..keparat..ora dak nyana Tumapel gawe dak dakaning perkara kepingin ndungkeng Kediri...apa pancen bener iki kadadeyane pangimpenku...pirang pirang pisuhanen Ken Arok ora ngadhep ing Kediri jebul wis digadhaki kepingin mbalela, Mahesa Walungan
Mahesa Walungan		Nuwun kula wonten dhawuh
Dandang Gendhis		Mumpung geni sapelik durung ngobar bumbung....kanthinen para prajurit jagul jagul, dina iki uga gecaken Tumapel
Mahesa Walungan		Sendika dawuh....

ADEGAN 9 PALAGAN

PERANGNYA PERAJURIT KEDIRI DAN TUMAPEL, PERAJURIT KEDIRI BERHASIL DIPUKUL MUNDUR OLEH PERAJURIT TUMAPEL

ADEGAN 10 KERAJAAN TUMAPEL

KEN AROK DIDAMPINGI KEDUA PERMAISURI, PARA BRAHMANA DAN SEMUA NAYAKA PRAJA MENGHADAP. DENGAN BERHASILNYA MEMUKUL MUNDUR PERAJURIT MAKA KEN AROK MENYATAKAN BAHWA TUMAPEL MEMISAHKAN DARI KERAJAAN KEDIRI DAN BERDIRI SEBAGAI KERAJAAN SENDIRI DENGAN NAMA KERAJAAN “SINGHASARI” DAN KEN AROK MENOBATKAN DIRI SEBAGAI RAJA DENGAN GELAR “PRABU SRI RAJASA BATARA SANG AMURWA BUMI”.

....PURNA....