CERITA RAKYAT AIR 3 RASA

KATA PENGANTAR

Puji Syukur kehadirat Allah SWT, karena berkat rahmatNya penulis dapat menyelesaikan tugas akhir dalam menganalisis cerita rakyat “Air 3 Rasa” untuk memenuhi tugas semester dalam mata kuliah “Pengkajian Prosa Jawa Modern.”

Penulis juga mengucapkan terima kasih kepada pihak-pihak yang ikut terlibat dan membantu dalam penyelesaian tugas ini, terutama kepada bapa Drs. Sukadaryanto, M.Hum. selaku dosen saya dalam mata kuliah ini.

Cerita rakyat yang berjudul Air 3 Rasa merupakan cerita rakyat dari kabupaten Kudus yang menceritakan perjalanan seorang Ulama yang bernama Syeikh Hasan Sadzali untuk menyebarkan agama Islam di Indonesia khususnya tanah Jawa namun perjalananya tidak mudah, banyak penjarah-penjarah yang mencoba utuk melukai Syeikh Hasan Sadzali sampai akhirnya Syeikh Hasan Sadzali menemukan alas dan kemudian dinamakan Rejenu yang artinya tempat untuk bertirakat. Di alas Rejenu rombongan Syeikh Hasan Sadzali menemukan sumber mata air yang mempunya 3 rasa berbeda-beda yang dipercaya sebagai maul hayat, maul donya dan maul hilmi. Dan sampai akhirnya Syeikh Hasan Sadzali menetap di alas tersebut sampai akhir hayat.

Dari cerita tersebut, penulis tertarik menganalisis cerita rakyat ini sesuai dengan fungsi pelaku, motif pelaku dan motif cerita.

Dalam penulisan ini, penulis menyadari masih banyak kekurangan baik dalam struktur penulisan dan materi. Maka dari itu, kritik dan saran pembaca akan sangat bermanfaat untuk penyempurna tulisan ini. Semoga tulisan ini akan bermanfaat dan menambah referensi pembaca.

Semarang, 12 Desember 2013

Penulis

DAFTAR ISI

Kata Pengantar                                   …………………………………….               ii

Daftar Isi                                             …………………………………….               iii

Cerita Rakyat Air 3 Rasa                    …………………………………….               01

Fungsi Pelaku dan Motif Pelaku         …………………………………….               12       

Motif Cerita                                        …………………………………….               19       

Dokumentasi                                       …………………………………….               20       

Lampiran-lampiran (data Narasumber)…………………………………….              22

Daftar Pustaka                                                …………………………………….

Air 3 Rasa

Dhaerah lor Kudus wis kondhang karo wisata alam lan agamane, panggonane ning lereng Gunung Muria kang biasane kasebut colo. Ning colo akeh pasarean-pasarenanipun tiyang-tiyang kang dipercaya jaman mbiyen nyebarke agama Islam (syiar).Tuladhane pasareanipun Raden Umar Said, yang kondhang sinebut Sunan Muria.Salah sijine saka Walisanga kang nyebarke syiar ning dhaerah kana.Akeh para peziarah kang ziarah mrono.

Ora adoh saka makam Sunan Muria, ana Makam maneh kang biasane peziarah uga mampir mrono. Ning desa Rejenu kuwi wonten pasareanipun Syeikh Hasan Sadzali, sing dipracaya uga nyebarake agama Islam ning Jawa. Sebelah pasareanipun Syeikh Hasan Sadzali ana banyu kang dipercaya duwe rasa 3.Banyu-banyu kuwi saka sendang kang ukuran diameter kurang saka setengah meter, sendang kang bentuke setengah bunder. Ana 3 sendang ning kunu, antara sendang siji lan sijine jarake mung sak jangkahan nanging anehe banyu saka sendang-sendang kuwi duwei rasa kang beda-beda. Ana rasa asin, rasa kaya bayu sprite lan ana sing rasane kaya dudoh klopo. Banyu-banyu kuwi dipercaya masyarakat yen ana khasiate kanggo obat penyakit, nglancarake rezekine lan supaya duweni wibawa ning awake yen kene ngombe banyu kuwi.

Rasa ing banyu kuwi bergantung awake dhewe sing ngrasake kepriye. Akeh wong-wong uga sing ngrasake beda-beda. Yen awake dhewe percaya karo khasiate banyu kuwi lan nglakoni tirakat serta usaha mesthine khasiate bener anane.

Khasiate banyu kuwi wis sumebar tekan ndi-ndi, ora sitik wong-wong padha teka mrunu. Saka Kudus dhewe akeh, luar kota, luar Jawa nganti wong londo ana sing teka mrono. Manurute Pengurus kono, saben dinane ana kurang luwih 50 wong kang teka ning Rejenu. Sing padha teka mrunu ora mung ning air 3 rasa nanging uga ziarah ning pasaranipun Syeikh Hasan Sadzali. Akeh wong-wong kang lagi ana musibah padha teka lan tirakat ning kompleks Air 3 rasa. Pirang wulan kepungkur, ana wong kang mrono lagi bangkrut usahane trus wong kuwi tirakat ning kono lan adus kanggo banyu ning air 3 rasa kuwi banjur niat mantepke atine nyuwun marang Gusti supaya usahane diwenehi kelancaran maneh. Lan ora suwe, usahane lancar maneh. Kuwi uga diselingi usaha kang ora gampang.

Critane, dhek jaman biyen banget ning lor pulau Jawa ana 5 Gunung kang arane Gunung Muria, Gunung Argo Jembangan, Gunung SaptoArgo kang biasane sinebut Gunung Abiyasa, Gunung puncak 29. Saben Gunung ana sendang-sendange, salah sawijine sumber air 3 rasa sing ditemokake kaliyan Syeikh Hasan Sadzali.

Nalika jamane Nuswantara , utamane iseh dicekel karajaan Singasari, ana sosok dari Gujarat saka daerah Thailand negara bagian siam dikongkon nyebarake lan ngajarake agama Islam Indonesia khususe ning pulau Jawa ing amarga ning Indonesia agama Islam durung ana kang ngajarake.

“Hasan Sadzali, kono syiar’o ning Indonesia utamane ning Jawa. Jawa kuwi kuasa” perintahe dhuwurane Syeikh Hasan Sadzali.

“Inggih, sendika dhawuh” jawabanipun Syeikh Hasan Sadzali.

“Ojo nganti syiar terang-terangan, syiar’o ndhelik-ndhelik supayane ora ketangkep karo prajurit kerajaan kono” printahe dhuwurane Syeikh Hasan Sadzali.

Syeikh Hasan Sadzali ora suwi saka perintah dhuwurane, langsung mangkat ning Nuswantara lan syiar nyebarake ajaran Islam. Syeikh Hasan Sadzali pancen mula-mula syiar ndelik-ndelik supayane ora konangan. Ning perjalanan, akeh kang melu Syeikh Hasan Sadzali utawa dadi muride.

“Kula angsal ndherek panjengan Yai?” ngendikane salah sijine wong kang ketemu nalika nyebar syiar .

“Iya, oleh-oleh wae.Kowe sapa?Asalmu saka ngendi?” jawabanipun Syeikh Hasan Sadzali.

“Nama kula Ali Murtanda Yai, kula tiyang Arab” jawabane Ali Murtanda.

“Kepiye kowe bisa tekan kene?Opo tujuanmu ning bumi kene?” pitakonipun Syeikh Hasan Sadzali.

“Kula dagang wonten mriki, kula remen kaliyan caranipun Yai ngajaraken Islam wonten bumi mriki. Dados kula kepingin ndherek Yai syiar, kula pingin dados muridipun panjengan Yai” wangsulane Ali Murtanda , wong Arab kang ninggalake Arab kanggo dagang ing Indonesia.

“Iya-iya, melua aku”

Tekan ning Jawa, syiar dilakoni kanthi terang-terangan. Ngathi kerajaan Singasari krungu yen ana wong saka Gujarat syiar agama Islam ning tanah Jawa. Singasari ora terima yen panggonane dikuasai karo wong liya, mula kuwi prajurit Singasari diprentah dening raja kanggo nggoleki banjur ditangkep lan bakalan dipateni wong kang nyebar syiar kuwi.

“Para prajurit, kono golekana wong kang nembe nyebarake agama Islam ning dhaerah jawa tengah” ngendikane raja

“Sendika dawuh”

 Prajurit Singasari langsung mangkat nggoleki wong kuwi mau ning tanah jawa.

Krungu kabar yen Singasari nggoleki Syeikh Hasan Sadzali, rombongan Syeikh Hasan Sadzali pikantuk saran yen rombongan Syeikh Hasan Sadzali kudu moro ning daerah Lor Jawa.

“coba o lungga ning lor jawa, ning kana ora bakal ana kang bisa nemukake rombongan iki” sarane kyai

“lha napa kudu ning lor mrika yai?” pitakone Ali Murtanda

“ wis, kana ndang mangkat! Precaya karo omonganku ya?”

“inggih. Kula lan rombongan ini nyuwun pamit”

Rombangan kuwi langsung mangkat.Tekan dhaerah Lor Jawa, rombongan kuwi mandeg leren ning alas ning dhaerah Gunung.

“Wis wayahe sholat, ayo ndang mangkat sholat” ngendikane Syeikh Haszan Sadzali

“Iya, ayo-ayo ndang do njipuk wudhu” teruse Ali Murtanda salah sijine muride Syeikh Hasan Sadzali kang seko Arab.

“Lha, wudhunipun wonten pundi yai? Mboten wonten sendang” pitakone muride Syeikh Hasan Sadzali.

“Kono do golek sumber banyu ning sekitaran kene wae, yen ora ono yo tayamum disik” ngendikane Syeikh Hasan Sadzali.

“Inggih yai”

Murid-muride utawa pengikute pada golek banyu ning daerah sekitaran alas rejenu. Ora adoh seko panggonan, Syeikh Hasan Sadzali lan muride sing jenenge Ali Murtanda sing seko Arab mau nemu 3 sendang.

“ Ning kene ana sendang, padha mrene o. Wudhu ning kene” Pambengoke Ali Murtanda.

“Haaaa???Apa???? Iyaaaa. Iki padha mrunu” jawabane murid-murid sing liyane.

Kabeh murid-murid wis padha kumpul ning Sendang kuwi,

“Yai, toya wonten sendang niki raosipun asin” Ujare Ali Murtanda nalika wudhu ning sendang kang pertama.

“Yo, jajal o ning sendang sing sebelahe” Ngendikanipun Syeikh Hasan Sadzali.

“Sami Yai, sendang ingkang niki raosipun nggih wonten raos clekit-clekitipun” jawabane Ali Murtanda.

“Pindah o ning sendang sing ke3, sendang jejere kuwi” prentahe Syeikh Hasan Sadzali.

“ Inggih yai”

Ali Murtanda wudhu terus ngomong “ Yai, sendang niki raosipun samu toya degan”

“ Lha kok aneh ya. Ana 3 sendang lan panggone ning jejeran nanging rasa banyune beda-beda. Banjur kepriye ya?” ujare salah sawijine muride Syeikh Hasan Sadzali.

“ Lha ngunu kuwi kersane Gusti. Gusti kang nyiptake kabehane ning donya iki” ngendikane Syeikh Hasan Sadzali.

Wiwit kuwi, banyu 3 sendang kang rasane beda-beda duweni arti maul hayat, maul donya lan maul hilmi. Sing dipercaya kanggo obat ning sendang pertama, kanggo rezeki ning sendang kang ke2 lan kanggo kewibawaan ning sendang ke3. Nanging tetep wae, ngunu kuwi yen dipercaya lan nindakake tirakat yo menawa bisa manjur. Ajaibe uga, sendang kuwi resik seka kewan-kewan. Yen ana kewan serangga (nyamuk, jangkrik, coro, uget-uget), cacing, lsp bakalan mati yen mlebu ning sendang kono.

Wiwit nemukake sendang 3 rasa kuwi, Syeikh Hasan Sadzali lan rombongane dadi manggon ning alas kuwi amarga ngira yen alas kuwi bakalan aman lan ora kejamah karo prajurit-prajurit Singasari. Banjur dhaerah kuwi dijenengi Rejenu, kang nduweni arti panggonan kanggo ngresenu, ngresula utawa panggon tirakat, panggon panyuwunan, panggon wong-wong pada tapa. Rombangan gotong royong gawe masjid ning cedhake sendang kuwi lan padhepokan.

Para prajurit kang nggoleki rombongan Syeikh Hasan Sadzali, wis nggoleki tekan ning ngendi-ngendi nanging ora bisa ketemu.Singasari sansaya wedi yen ajaran agama Islam akeh kang melu.

“Banjur kene kudu golek kyai kuwi neng ndi maneh ya?” pitakone prajurit Singasari

“Lha yo, kabeh wis digoleki nanging iseh wae ora ketemu.”

“Pie ya, awit saka kutha nganthi desa. Awit saka alas nganthi gunung nanging ora ana”

“Apa kene balik wae menyang Singasari banjur matur yen ora ketemu wonge?”salah sawijine prajurit pitakon mangkana.

“Aku wedi yen Raja murka”

“Ya wis, ayo diteruske maneh kene sing goleki”

“iyaa. Ayo-ayo” semahure kaber prajurit.

Ora adoh saka alas Rejenu ana padhepokanipun Sunan Muria. Akeh kang pracaya menawi Syeikh Hasan Sadzali menika gurunipun Sunan Muria, Sunan Muria kerep sowan ning alas Rejenu amarga padhepokanipun Sunan Muria cedhak karo padhepokanipun Syeikh Hasan Sadzali.

Nalika pusakanipun Sunan Muria ilang, Sunan Muria nyuwun tulung marang Syeikh Hasan Sadzali kanggo nemokake pusakane. Tirakat ning alas Rejenu nganti pirang-pirang dina, Syeikh Hasan Sadzali nemu sapa kang nyolong pusakanipun Sunan Muria. Banjur Syeikh Hasan Sadzali ngendika yen sing nyolong kuwi Suronggoto, muridipun Sunan Muria piyambak. Suronggoto dadi muridipun Sunan Muria amarga duweni kapinginan dadi sesandingane ponakanipun Sunan Muria kang ayu banget. Banjur bareng wis dadi murid lan Suronggoto nembung marang Sunan Muria yen tresna marang ponakanipun nanging ponakanipun ora gelem nerima panglamare Suronggoto. Suronggoto kuciwa lan dendam banjur Suronggoto nyolong pusakanipun Sunan Muria. Kuwi mau alasane Suronggoto nyolong pusakanipun Sunan Muria.

Kebeneran, pas suasana lagi ora apik, Sampokong teka ning colo Muria lan ngaku-ngaku kapingin merguru marang Syeikh Hasan Sadzali. Dikira duweni niat kang apik, Sampokong di terima marang Syeikh Hasan Sadzali dadi muride nanging yen sebenere Sampokong uga duweni tujuan arep syiar agamane ning dhaerah kuwi.Sampokong ngerti yen ana sing nyolong pusakanipun Sunan Muria, banjur ngomong mangkene “ Lha ngopo kok ora dipateni wae Suronggoto? wong duweni tindak tandhuk kang ala”

“husssttt….ojo ngomong mangkana. Dirembuk lan dimusyawarahke yo kan apik” jawabanipun Syeikh Hasan Sadzali.

“Lha piye to yai, niki wonten racun. Mpun diracun wae wong kuwi” ujare Sampokong.

Para murid-muride Syeikh Hasan Sadzali lan Sunan Muria padha nggoleki Suronggoto. Banjur wis kecekel lan digawa ana padhepokanipun Sunan Muria. Syeikh Hasan Sadzali lan Sunan Muria wis ngenteni ning kana.

“ Karepmu ki opo? Bisa-bisane kowe nyolong pusaka kuwi?” pitakonipun Sunan Muria.

“ Kula mboten nyolong Yai, saetu” mungkire Suronggoto.

“ Uwis-uwis, ngaku o kowe iki! Opo hukumanmu bakalan luwih abot yen kowe ora ngaku” wangsulanipun Syeikh Hasan Sadzali.

Nanging wis diancem kaya mangkana, Suronggoto tetep wae iseh ora ngaku lan gawe Syeikh Hasan Sadzali lan Sunan Muria muntab utawa ngamuk.

“ Wis, kowe iki ora ngaku? Ora gelem ngaku?Kabeh bukti kie wis nunjuk yen kowe kie sing nyolong pusakaku” Sunan Muria mbentak.

Suronggoto gur meneng.

“ Mulai sakiki, kowe bakalan dadi yuyu ning dhaerah laut lor Jawa” ngendikanipun Syeikh Hasan Sadzali.

“ Iya, saklawase ora bakal iso ngubah wujudmu dadi manungsa” Sunan Muria nambahi.

“Inggih Yai, ampun. Nggih kula ingkang mendhet pusakanipun Kanjeng Sunan. Nyuwun tulung, ampun diparingi hukuman kula Yai.”

“Wis, wis kadung kabeh iki!”

Bareng kadadean kuwi, Suronggoto dadi yuyu kang manggone ning dhaerah Lor Jawa. Urip ning padhepokanipun Syiekh Hasan Sadzali lan Sunan Muria tentrem lan ora ana gangguan pirang-pirang sasi. Nanging ujug-ujug, ana kang gawe curiga.Tindak tandhuke Sampokong gawe curigane wong-wong kang manggon ning padhepokan kuwi. Sampokong kadang-kadang syiar agamane sing ora agama Islam. Lan ujug-ujug Sampokong pamitan balik ning negarane.

Pirang sasi Sampokong balik, ujug-ujug teka lan gawa kapal kang isine tanduran obat-obatan ning njero kapale. Syeikh Hasan Sadzali lan Sunan Muria kaget, kepiye carane Sampokong mrene maneh.

“ Sampokong, ana apa kowe balik mrene maneh?” pitakone Sunan Muria.

“ Kula mriki mbeto obat-obatan mbug menawi saget ditandur wonten dhaerah mriki lan kula inggih badhe nyebar ajaran agama kula” tembunge Sampokong.

“ Opo? Nyebar ajaran agamamu?Dadi sesuwi iki kowe ngapusi aku?” pitakone Syeikh Hasan Sadzali.

“ Iya, aku mrene gawa pasukanku lan pasukanku bakalan gawe padhepokan iki ilang sak lawase!” ujare Sampokong.

“ Kowe mrene nanggo opo?” pitakone salah sawijine muride Syeikh Hasan Sadzali.

“ Aku numpak kapal, iki mau rawa!” wangsulane Sampokong.

“ Opo? Lha wong iki kuwi alas ning Gunung kepiye carane kapalmu tekan kene? Kowe ora usah ngapusi maneh!” ngomonge Ali Murtanda.

“ Aku ora ngapusi, iki pancen rawa. Yen Gunung apa bisa kapalku tekan kene? Wis dhaerah kene bakalan aku sing nguwasani!” ujare Sampokong.

“ Yen iki pancen rawa, kapalmu bakalan njempalik sakiki!” ngendikanipun Syeikh Hasan Sadzali lan Sunan Muria.

Banjur Syeikh Hasan Sadzali lan Sunan Muria ngendika mangkana, kapal kang ditumpangi karo rombongane Sampokong njempalik lan isine kocar-kacir. Kapale sakiki dadi gunung lan isine tanduran obat-obatan kuwi tiba ana sekitaran Gunung Muria. Mula nganthi sakiki, akeh tanduran obat-obatan kang ditemukake ning dhaerah Gunung Muria.

Ngerti yen kapale kuwalik, Sampokong wedi banjur bali ning negarane lan ora sido nyebar agama kang dianut karoan wonge dhewe.

Bubar kuwi, padhepokan urip tentrem-tentrem ning alas rejenu. Nanging, urip ning donya pancen mesthi pungkasane kuwi bakalan balik wonten Gusti. Syeikh Hasan Sadzali seda. Akeh murid-muridipun Syeikh Hasan Sadzali kang sedhih amarga kuwi, nanging kudu piye maneh. Murid-muride banjur nerusake syiar agama Islam nganthi tekan ngendi-ngendi, amarga ntuk amanat saka Syeikh Hasan Sadzali kanggo yen ora bakalan mandheg syiar nganti pungkasaning nyawa.

Singasari krungu kabar yen pasukanipun Syeikh Hasan Sadzali kuwi manggon ning Alas Rejenu banjur diparani mrono. Sakdurunge, murid-muride Syeikh Hasan Sadzali wis ngerti yen Singasari bakalan ning Alas Rejenu banjur murid-murid kuwi mau padha nyebar dhewe-dhewe kanggo syiar lan alas Rejenu dadi sepi malih.

Suwi banget, ana kaluwarga saka Syeikh Hasan Sadzali teka ning Jawa kanggo nggoleki Syeikh Hasan Sadzali. Kaluwarganipun wis nggoleki tekan ngendi-ngendi nanging ora ketemu. Krungu-krungu yen Syeikh Hasan Sadzali kuwi wis seda. Anggere pasarean ulama mesthi ditekani, banjur bareng tekan ning Tuban ana kang kanda yen kon balik ning dhaerah lor Jawa, dhaerah Muria. Kaluwargane langsung mangkat ning Muria, nemu padhepokan kang wis ora karumat maneh lan ana pasareane. Banjur lemah pasarean kuwi diambung lan ditemokake pasareanipun Syeikh Hasan Sadzali. Nganthi sakiki pasarean lan padhepokan kuwi dirumat pemerintah lan didadeake wisata religi lan banget kang ngunjungi kango ziarah uga ning air 3 rasa kang diprecaya duweni manfaat kang akeh banget.