Contoh soal bahasa Jawa

LATIHAN SOAL BAHASA JAWA SMP KELAS VII SEMESTER I

A.     Wangsulana pitakonan-pitakonan ana ing ngisor iki kanthi menehi tandha ping (X) ana ing aksara a, b, c utawa d sing koanggep bener!

Wacan kanggo pitakonan nomer 1-4

Tuku Kuthuk

Awan kuwi Angga lan Kusuma padha mlaku-mlaku ana ing pasar kewan kutha Semarang. Pasar kewan iku dununge ana sisih lor wetan saka simpang lima kutha Semarang. Ing kana akeh wong kang dodolan maneka warna jenis kewan, kayata manuk maneka jenis, kucing, iwak, trewelu, marmut, lan pitik. Ora mung kewan kang didol, nanging ana ing kana uga ana wong  kang dodolan pakan kewan, klambi, jajanan, lan barang-barang kang antik uga ana. Nalika Angga lan Kusuma nembe padha mlaku nyawang kewan-kewan kang akeh jenise kuwi dumadakan weruh salah siji bakul kang dodol kuthuk maneka warna wulune, ana abang, ijo, kuning, biru, jambon kang sajak gawe kepincute ati kanggo duweni. Merga saking kepingine, Angga lan Kusuma terus tuku kuthuk-kuthuk mau cacah sepuluh lan beda-beda warna. Karepe kuthuk-kuthuk kuwi bakal diingoni supaya bisa gedhe lan besoke migunani.

1.      Manut crita ing dhuwur kang mlaku-mlaku ana ing pasar kewan yaiku . . .

a.       Anggi lan Marma

b.      Kusno lan Andre

c.       Suman lan Simin

d.      Angga lan Kusuma

2.      Manut crita ing dhuwur kang jalari kepincut tuku kuthuk yaiku . . .

a.       Kuthuke cilik-cilik

b.      Kuthuke dhuweni wulu maneka warna

c.       Kuthuke bisa dadi gedhe

d.      Kuthuke ditawa

3.      Ana ing pasar kewan kutha Semarang manut crita ing dhuwur dodolan kewan, kajaba . . .

a.       Manuk

b.      Truwelu

c.       Gajah

d.      Pitik

4.      Pitutur luhur kang ana ing ctrita dhuwur yaiku . . .

a.       Tukua barang utawa kabutuhan sing bisa migunani ing burine

b.      Mlaku-mlakua ana ing pasar kewan supaya ati seneng

c.       Kuthuk kuwi kewan sing kudu dituku

d.      Tukua barang-barang kang mewah

Pacelathon kanggo pitakonan nomer 5-7

Dedi                 : Gas, wingi awakmu ora mangkat sekolah ana apa?

Gagas               : aku wingi ora mangkat sekolah merga nembe lara cacar.

Dedi                 : la wis coba mbok priksakna dhokter apa durung?

Gagas               : durung, aku wedi menyang dhokter, mengko ndak malah disuntik.

Dedi                 : apa awakmu ora krasa tambah lara yen ora enggal diobati?

Gagas               : iya, iki awakku isih krasa rada abot lan adhem panas.

Dedi                 : mulane awakmu kudu ndang mangkat priksa.

Gagas               : ya wis, mengko yen wis balik sekolah tak priksa ana dhokter.

Dedi                 : ya, kuwi luwih apik, sak iki sinau sik sedala maneh Bu Guru rawuh.

5.      Manut isi pacelathon ing dhuwur bab kang dirembug yaiku . . .

a.       Lara cacar

b.      Adhem panas

c.       Lara untu

d.      Pegel-pegel

6.      Pacelathon ing dhuwur mapan ana ing . . .

a.       Klinik

b.      Ruang kelas

c.       Pasar

d.      Omah

7.      Pitutur becik pacelathon ing dhuwur kang bisa dadi tuladha yaiku . . .

a.       Yen lara aja menyang dhokter

b.      Sekolah enake kudu crita

c.       Menawa awak lagi lara ya enggala digolekna tamba

d.      Becik ora mangkat sekolah

8.      Aja padha gara-gara.

Ukara ing dhuwur yen ditulis aksara Jawa yaiku . . .

a.       ꧎ꦀꦌꦊꦋꦐꦍꦐꦍ꧌

b.      ꧎ꦀꦌꦊꦅꦐꦃꦐꦃ꧌

c.       ꧎ꦀꦌꦊꦋꦐꦃꦐꦃ꧌

d.      ꧎ꦀꦌꦊꦋꦄꦉꦄꦉ꧌

9.      ꧎ꦀꦶꦑꦸ  . . . . . . . . .ꦞꦷꦄꦷꦁꦿ꧋

a.       ꦆꦶꦁꦙꦄꦿ

b.      ꦏꦼꦄꦆꦿ

c.       ꦏꦝꦄꦸ

d.      ꦑꦸꦋꦉꦿ

10.  ꧎ꦆꦸꦆꦜꦹꦃꦶꦀꦁꦙꦍꦁꦶ꧌

Aksara Jawa ing dhuwur yen ditulis latin unine . . .

a.       Tuturi handayani

b.      Thut wuri handhayani

c.       Tut wuri handayani

d.      Tut wuri handhayani

Wacan kanggo pitakonan nomer 11

POCUNG

Bapak pucung renteng-renteng kaya kalung,
dawa kaya ula,
pencokanmu wesi miring,
sing disaba sipucung mung turut kutha.

11.  Tembang pocung ing dhuwur katitik isine kalebu cangkriman. Batangane cangkriman tembang pocung ing dhuwur yaiku . . .

a.       Trek

b.      Bis

c.       Sepur

d.      Kapal

12.  Tarna saiki uripe kepenak, kabeh kabutuhane wis dicukupi maratuwane, omah digawekake, kendaraan ditukokake, gaweyan wis digoleke. Ukara kuwi bebasane . . .

a.       Kakudhung welulang macan

b.      Kajugrugan gunung menyan

c.       Sembur-sembur adas, siram-siram bayem

d.      Nglungguhi klasa gumelar

Wacan kanggo pitakonan nomer 13

a.       Sumangga katuran pinarak wonten ing ngajeng!

b.      Mangkata saiki kana supaya ora telat!

c.       Apa awakmu wis tuku lawuh?

d.      Ayo padha mangkat sekolah!

13.  Ukara-ukara ing dhuwur kang kalebu ukara pangajak yaiku . . .

a.       a lan d

b.      c lan b

c.       b lan d

d.      c lan a

14.  Kemladheane ngajak sempal.

Saloka ing dhuwur iku duweni teges yaiku . . .

a.       Njagakake barang nanging ora pikoleh-pikoleh

b.      Arep nemu kabegjan nanging ora sida

c.       Uripe melu mulya wong liya

d.      Wong nunut, nanging malah ngajak rusak wong sing dinunuti

15.   Manuk emprit, mucuk pari.

Tegese parikan sing ana ing duwur yaiku . . .

a.       Sapa lali, bakale didohi

b.      Dadi murid, sing taberi

c.       Luwih becik, urip prasaja

d.      Saiki-saiki, biyen-biyen

B.     Wangsulana pitakonan-pitakonan ana ing ngisor iki kanthi ringkes!

Wacan kanggo pitakonan 1-10

Anoman Obong

Anoman diutus dening Prabu Rama, ratu ing nagara Ayodya, supaya nggoleki Dewi Shinta. Sawise pirang-pirang sasi, akhire Anoman kasil anggone nggoleki Dewi Shinta. Dheweke bisa tekan nagara Ngalengka sawise malumpat ngilwati segara. Sawise mlebu ing Ngalengka, Anoman tumuju ing salah sijining kaputren kang ana ing Ngalengka. Ing kaputren kuwi Anoman bisa nemoni Dewi Shinta. Nanging amarga dheweke isih sedhih, tekane Anoman ora digagas dening Dewi Shinta.

Anoman nyedhaki Dewi Shinta, nuli kandha.

“Dhuh dewi, kula menika pun Anoman. Kula diutus Prabu Rama supados manggihi panjenengan dewi.”

“Aku ora percaya karo kowe wanara putih. Paling kowe iki ya kongkonanne Rahwana.”

“Mboten gusti, kula estu utusanipun Prabu Rama. Saderengipun kula pangkat saking Kiskendha, kula dipun kantheni kalpika menika. Menapa leres menika kalpikanipun ingkang garwa Prabu Rama?

Dewi Shinta nampani ali-ali mau. Sawise dieling-eling, jebul pancen bener yen ali-ali kuwi duweke Prabu Rama. Banjur Anoman ngaturake pirsa yen Prabu Rama isih sugeng lan ngajak Dewi Shinta balik menyang Kiskendha supaya bisa ketemu karo Prabu Rama.

Nanging Dewi Shinta ora gelem bali bareng Anoman. Dheweke gelem bali yen Prabu Rama dhewe sing methuk Dewi Shinta. Banjur Dewi shinta nitipake cundhuk gelunge marang Anoman supaya diaturake marang Prabu Rama. Cundhuk mau minangka tandha yen Dewi Shinta esih sugeng. Sawise nampani cundhuk mau Anoman pamit bali menyang Kiskendha.

Nalika Anoman arep bali, dheweke dicekel dening prajurit Ngalengka. Sanajan sekti Anoman mung manut nalika dicekel. Dheweke banjur diobong, nanging Anoman ora tedhas, malah kraton Ngalengka sidane entek diobong dening Anoman. Sing wutuh mung taman kaputren panggonene Dewi Shinta.

1.      Manut isine crita ing dhuwur iku kalebu crita wayang apa?

2.      Sing diutus Rama saperlu goleki Shinta yaiku awujud?

3.      Apa sing digawa Anoman nalika nemoni Dewi Shinta?

4.      Kepiye carane Anoman nalika arep goleki Dewi Shinta?

5.      Dewi Shinta ditemokake Anoman ana ing Negara ngendi?

6.      Apa sing dititipake Dewi Shinta marang Anoman?

7.      Sebabe apa Dewi Shinta ora gelem diajak bali Anoman?

8.      Kepiye tumindake Anoman nalika dicekel dening prajurit Ngalengka?

9.      Nalika kecekel prajurit Ngalengka, Anoman diwenehi ukuman apa?

10.  Barang sing dititipake Dewi Shinta marang Anoman duweni teges apa?

C.     Wangsulana parentah-parentah ing ngisor iki kanthi pratitis!

1.      Coba gawea wara-wara ngenani kegiyatan sing bakal dianakake ing sekolahanmu!

2.      Budi telfon Ani merga arep jaluk bukune sing wingi disilih kanggo nyalin catetan. Coba gawea pacelathon sing jumbuh karo ukara iku!

3.       ꧎ꦑꦊꦄꦚꦶꦁꦙꦄꦛꦈꦾꦁꦉꦶꦄꦀꦄꦸꦏꦼꦄꦆꦛꦷꦺꦄꦻꦉꦾ꧌

Aksara Jawa ing dhuwur yen ditulis latin iku unine?

4.      Jawa iku panggonane rasa, sapa sing bisa olah rasa uripe bakal mulya.

Coba tulisen ukara ing dhuwur nganggo aksara Jawa!

5.      Gawea crita ngenani pengalamanmu nalika liburan sekolah udakara sak paragraf!

***sugeng makarya***